पुणे: दीड वर्षांसाठी तडीपार करण्यात आलेल्या एका सराईत आरोपीला पोलिसांनी वाघोली येथून जेरबंद केले. गुन्हे शाखेच्या युनिट ६ च्या पथकाने ही कामगिरी केली.

श्यामकांत विष्णू सातव (वय ४०, रा. आव्हाळवाडी, ता. हवेली, जि. पुणे) असे ताब्यात घेण्यात आलेल्या आरोपीचे नाव आहे. सातव हा सराईत गुन्हेगार आहे.

पोलिसांनी दिलेल्या माहितीनुसार, पोलिसांचे पथक गस्त घालत असताना ऋषीकेश व्यवहारे यांना तडीपार गुंड श्यामकांत विष्णू सातव हा आपल्या राहत्या घरी आला असल्याबाबत माहिती मिळाली. सातव याला १२ ऑगस्ट २०२४ पासून पुढील दीड वर्षांसाठी पुणे शहर आयुक्तालय, पुणे जिल्हा तसेच पिंपरी-चिंचवड आयुक्तालयाच्या हद्दीतून तडीपार करण्यात आले होते.

असे असूनही तो आपल्या राहत्या घरी आला असल्याची माहिती पोलिसांना मिळाली. गुन्हे शाखेच्या युनिट सहाच्या पथकाने सातव याला ताब्यात घेतले. त्याच्या विरूद्ध वाघोली पोलीस ठाण्यात त्याच्याविरुद्ध गुन्हा दाखल करण्यात येऊन त्याला पोलीस ठाण्याच्या स्वाधीन करण्यात आले आहे.

ही कामगीरी पोलीस उपआयुक्त निखिल पिंगळे, सहायक पोलीस आयुक्त राजेंद्र मुळीक, पोलीस निरीक्षक वाहिद पठाण यांच्या मार्गदर्शनाखाली ऋषीकेश व्यवहारे, नितीन धाडगे, सुहास तांबेकर, गणेश डोंगरे, किर्ती नरवडे, प्रतीक्षा पानसरे यांनी केली आहे.